Мониторинг давомида муассасаларда сақланаётган болаларга тиббий ёрдам кўрсатиш ҳолати, болаларнинг таълим олиши ва уларнинг озиқ-овқат таъминоти, шунингдек улар учун яратилган шарт-шароитлар ўрганилди. Бола ҳуқуқлари бўйича вакил томонидан мониторинг ўтказилган муассасалардаги болалар билан алоҳида ва жамоавий тартибда учрашувлар ўтказилди.
Шуниси ачинарлики, Бола ҳуқуқлари бўйича вакил томонидан Тошкент вилояти ИИБнинг Вояга етмаганларга ижтимоий ҳуқуқий ёрдам кўрсатиш маркази бориб текширилганда, Марказда 15 нафар вояга етмаган болалар сақланиб келинаётганлигини, болаларни сақлаш шароитлари, уларга ўқитиш, таълим-тарбия бериш ва ҳуқуқий ёрдам кўрсатиш масалалари етарлича йўлга қўйилмаганлиги ҳолатлари аниқланди.
Бола ҳуқуқлари бўйича вакил томонидан юқоридаги ҳолатлар бўйича Қонун ҳужжатлари талабларининг бузилишлари, уларга имкон берувчи сабаблар ва шарт-шароитларни бартараф этиш ҳамда масъул мансабдор шахсларга нисбатан чора кўришни сўраб Ички ишлар вазири номига “Тақдимнома” киритилди.
Олий Мажлиснинг Инсон ҳуқуқлари бўйича
вакили (омбусдман) Матбуот хизмати
