Ўтган ҳафта давомида Фарғона, Хоразм, Самарқанд ва Андижон вилоятларида “Омбудсман мактаби” тадбирлари ташкил этилди.

Мазкур тадбирлар доирасида фуқаролар қабуллари ҳам ташкил этилиб, аҳолини қийнаётган масалалар бўйича тегишли ташкилот вакилларига бевосита мурожаат қилиш имконияти яратилмоқда.

Очиқ мулоқотларда Фарғона вилояти Учкўприк туманидан “Бегобод”, “Катта Кенагас”, “Кичик Кенагас”, “Боғи Бўстон”, “Олтин Водий” маҳаллалари, Хоразм вилояти Урганч шаҳридан “Мустақиллик”, “Феруз”, “Маърифат”, “Юқори-боғ”, “Шодлик”, “Гулшан”, “Янги ҳаёт” Самарқанд вилояти Иштиҳон туманидан “Қўчқор Қаршиев”, “Орлот” ва “Қиёт” ҳамда Андижон вилояти Марҳамат туманидан “Мингтепа”, “Ўзбекистон”, “Турон”, “Гулистон” маҳалларида яшовчи жами 500 нафарга яқин фуқаролар иштирок этишди.

Тадбирларда, шунингдек, “Уй-жой сотиб олиш учун фуқароларга субсидия тўлаш тартиби тўғрисида”ги ҳамда “Ўзбошимчалик билан эгалланган ер участкалари ҳамда уларда қурилган бино ва иншоотларга бўлган ҳуқуқларни эътироф этиш тўғрисида”ги Ўзбекистон Республикаси қонунларининг мазмун-моҳияти ҳам тушунтирилди.

Тадбир доирасида Омбудсманнинг ҳудудлардаги минтақавий вакиллари томонидан фуқаролар қабули ҳам ташкил этилиб, 50 дан ортиқ мурожаатлар қабул қилинди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати