Қайд этиш лозимки, Вақтинча сақлаш ҳибсхонаси ва вилоят ИИБ ҳузуридаги ситуацион марказ билан тўғридан-тўғри онлайн тартибда алоқа ўрнатилган.
Аниқланишича, ушбу вақтинча сақлаш ҳибсхонасида 68 ўринга мўлжалланган бўлиб, унда 17 та камера мавжуд. Мониторинг ўтказилган кунда муассасада 48 нафар шахс сақланаётганлиги аниқланди. Улар орасида аёллар ва вояга етмаганлар мавжуд эмас.
Мониторинг ташрифида вақтинча сақлаш ҳибсхонасида сақланаётган 11 нафар шахс билан суҳбат ўтказилди. Суҳбат давомида маҳбуслар ҳибсхонадаги шароитлардан ва озиқ-овқат таъминотидан шикоятлари йўқлигини билдиришди.
Тергов ҳаракатларини ўтказиш учун мўлжалланган хоналарни кўздан кечириш жараёнида, бу тоифадаги хоналар видеокузатув воситалари билан жиҳозлангани ва адвокатлар исталган вақтда адвокатлик сўровномаси билан тергов жараёнларида тасвирга олинган видеоматериалларни талаб қилиб олиши мумкинлиги айтилди.
Ҳибсхонадаги адвокат билан учрашув хоналари камерадан ҳоли бўлиб, адвокатлар бугунги кунда муассасада сақланаётганлар билан монеликсиз учрашаётганлиги аниқланди.
Муассасадаги ошхона кўздан кечирилганда вақтинча сақлаш ҳибсхонасига аутсорсинг хизмати асосида тайёр таомлар келтирилиб, ҳибсхонада сақланаётган маҳкум ва маҳбусларга етказиб берилаётгани аниқланди. Сақланаётган шахслар билан суҳбат ўтказилганда озиқ-овқат таъминотидан шикоятлари йўқлигини билдиришди.
Муассасада сақланаётганларга тиббий ёрдам кўрсатиш хонаси мавжуд бўлиб, штат бўйича бир нафар ҳамшира фаолият юритади. Тиббий ёрдам кўрсатиш учун керакли дори-дармонлар мавжудлиги аниқланди.
Олий Мажлиснинг Инсон ҳуқуқлари бўйича вакили (омбудсман) Ахборот хизмати
