Омбудсманнинг Навоий вилоятидаги минтақавий вакилига юборилган мурожаатларда уй-жой олиш, ер ажратиш, моддий ёрдам, ишга жойлаштириш каби масалалар кўпроқ кўтарилгани сабабли тадбир айни мавзуларга бағишланди.
Шунингдек, “Ёшлар дафтари”, “Аёллар дафтари” ва “Темир дафтар”ни юритилиши ва уларга қандай тоифадаги, шароитдаги оилалар ҳамда фуқаролар киритилиши, ижтимоий қўллаб-қувватлаш тамойиллари ҳақида ҳам маълумот берилди.
Фуқаролар билан учрашувда халқ фаровонлигини ошириш мақсадида аҳолига яратилаётган шароитлар, инсон ҳуқуқларини таъминлаш йўлидаги ислоҳотлар мустақиллик шарофати билан эканлигига алоҳида урғу берилди.
Тадбир доирасида фуқаролар мурожаатлари ҳам қабул қилинди.
Олий Мажлиснинг Инсон ҳуқуқлари бўйича вакили (омбудсман) Ахборот хизмати
