Тадбирда таъкидланишича, ҳозирда кўплаб давлатларда бузилган инсон ҳуқуқларини тиклаш бўйича фуқароларнинг Омбудсманларга бўлган ишончи ортиб бормоқда. Айниқса, улар ҳуқуқ ҳимоячилари сифатида жамиятда қандай муаммолар борлиги ҳақида ҳукуматни хабардор қилувчи ва уни бартараф этиш бўйича ўз тавсияларини бериб борувчи институт сифатида  шаклланди. Мазкур анжуман эса шу каби илғор тажрибаларни ўрганиш майдони ҳисобланади.

Халқаро тадбир иштирокчилари хотин-қизлар, ёшлар, ногиронлиги бўлган шахслар, мигрантлар, маҳкум ва маҳбуслар ҳуқуқларини таъминлаш ва Омбудсман фаолиятидан аҳоли хабардорлигини ошириш бўйича ўз тажрибалари билан ўртоқлашишди.

2 кун давомида бўлиб ўтган конференция якунларига кўра, Осиё, Африка, Европа, лотин Америкаси давлатлари Омбудсманларининг 40 яқин маърузалари тингланди ва уларда муҳим таклифлар билдирилди.

Шунингдек, Москвага ташриф давомида Омбудсман Феруза Эшматова Ўзбекистон Республикасининг Россия Федерациясидаги элчихонасида ватандошлар билан учрашди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати