Фуқаро А.Г. аввал ушбу масалада тегишли ташкилотларга қилган мурожаати 3 ой давомида ҳал этилмагач, у Олий Мажлиснинг Инсон ҳуқуқлари бўйича вакили (Омбудсман)га мурожаат қилган. Мурожаат назоратга олиниб, у Омбудсманнинг Сирдарё вилоятидаги вакили Ш.Алимов томонидан жойига чиқиб ўрганилди ва тегишли ҳужжатлар тўпланди.

Ўрганиш натижаларига кўра, Омбудсман томонидан Давлат солиқ қўмитаси ҳузуридаги Кадастр агентлигига фуқаронинг бузилган ҳуқуқларини тиклаш бўйича тақдимнома киритилди. Натижада, ер участкаси "Турар жой" мақомига қайтарилди ва солиқ идорасидаги асоссиз қарздорлик ҳисобдан чиқарилди.

Ўзбекистон Республикаси Олий Мажлисининг Инсон ҳуқуқлари бўйича вакили (Омбудсман) Ахборот хизмати