Шу ўринда эслатиб ўтамиз, "Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) тўғрисида"ги Қонунга кўра, Омбудсман суриштирув-тергов фаолиятини амалга ошириш ваколатига эга эмас. Шунингдек, мазкур Қонуннинг 19-моддасига мувофиқ, Омбудсман суднинг ваколатлари доирасига кирадиган масалаларни, шунингдек жисмоний шахсларнинг бошқа жисмоний шахслар томонидан уларнинг ҳуқуқлари, эркинликлари ва қонуний манфаатларини бузадиган ҳаракатларига (ҳаракатсизлигига) доир мурожаатларини кўриб чиқмайди.

Қабулда Омбудсман томонидан айрим мурожаатлар юзасидан ҳуқуқий тушунтиришлар берилди, ваколатга алоқадор мурожаатлар ўрганишга олинди. Жойига чиқиб ўрганиш зарур бўлган мурожаатлар Омбудсманнинг ҳудудлардаги минтақавий вакилларига юборилaди.

Эслатиб ўтамиз, фуқаролар тўғридан-тўғри Омбудсманнинг ҳудудлардаги минтақавий вакилларига ҳамда ombudsman.uz сайти ва мобил иловаси орқали электрон мурожаат юборишлари мумкин.

Олий Мажлиснинг Инсон ҳуқуқлари бўйича вакили (омбудсман) Ахборот хизмати