Ўзбекистон Республикаси Жиноят-ижроия кодексининг 102¹-моддасига мувофиқ, Комиссиялар таркибига Омбудсман минтақавий вакиллари, халқ депуталари маҳаллий Кенгашлари депутатлари ва жамоатчилик вакиллари кириши белгиланган.
Шу кунларда Тошкент шаҳри, Андижон ва Наманган вилоятларидаги қатор муассасаларда мазкур комиссиялар йиғилишлари бўлиб ўтди. Йиғилишларда умумий ҳисобда 1291 нафарига тузалиш йўлига ўтган деб хулоса берилди. Шундан, 1075 нафари Тошкент шаҳридаги 21-сон Жазони ижро этиш колониясидаги, 192 нафари Наманган вилоятидаги Поп туманидаги 6-сон Жазони ижро этиш колониясидаги, 24 нафари эса Андижон вилоятидаги 3-сон тергов ҳибсхонасида хўжалик ишларига жалб этилган маҳкумлардир.
Комиссиялар аъзолари тузалиш хулосасини чиқаришда маҳкумларнинг меҳнатга муносабати, ички тартиб-қоидаларга риоя қилиши, таълимга ва касб-ҳунарга қизиқиши, шунингдек, маданий-маърифий тадбирлардаги иштирокига алоҳида эътибор қаратади.
Олий Мажлиснинг Инсон ҳуқуқлари бўйича вакили (омбудсман) Ахборот хизмати
