"Farg‘onadagi, Jasliq" sarlavhasi ostida ijtimoiy tarmoqlarda tarqalgan xabar yuzasidan Ombudsmanning rasmiy munosabati

O‘zbekiston Respublikasi JKning 166-moddasi 2-qismi "a,v" bandlarida nazarda tutilgan jinoyat sodir qilganlikda ayblanib, jinoyat ishlari bo‘yicha Farg‘ona shahar sudining ajrimiga asosan saqlash uchun 10-son tergov hibsxonasiga olib kelingan mahbus S.Q.ning onasi M.Q.ning ijtimoiy tarmoqlarga qilgan murojaati Oliy Majlisning Inson huquqlari bo‘yicha vakili (Ombudsman) nazoratiga olindi.

Ombudsmanning Farg‘ona viloyatidagi mintaqaviy vakili Alisher Kamilov 2022 yilning 31 may kuni 10-son tergov hibsxonasiga borib, mahbus S.Q. bilan suhbatlashdi.

Hozirda mazkur holat yuzasidan sud-tibbiy ekspertizasi tayinlangan bo‘lib, Farg‘ona shahar prokuraturasi tomonidan tergovga qadar tekshiruv ishlari olib borilmoqda.

Yuqoridagilardan kelib chiqib, mazkur holat bo‘yicha tergovga kadar tekshiruvi jarayonlari tugallanganidan keyin Ombudsmanning rasmiy munosabati berilishini maʼlum qilamiz.

Oliy Majlisning Inson huquqlari bo‘yicha vakili (Ombudsman) Axborot xizmati