Yuldashev Aziz Sobirovich 1994-yilda tug‘ilgan.2013-2017 yillarda M.V.Lomonosov nomidagi Moskva davlat universiteti yuridik fakultetini bakalavr, 2017-2019 yillarda magistratura bosqichlarini tamomlagan. 2018-2019 yillarda O‘zbekiston Respublikasining Rossiya Federatsiyasidagi Elchixonasining madaniyat, fan va taʼlim bo‘limi yetakchi mutaxassisi sifatida faoliyat yuritgan. 2020-2021 yillarda Oliy Majlisning Inson huquqlari bo‘yicha vakili (ombudsman) Kotibiyatining Inson huquqlarini taʼminlash bo‘yicha monitoring va huquqiy tahlil sektori yetakchi maslahatchisi, 2021-2023 yillar Ombudsman Kotibiyatining Murojaatlar bilan ishlash bo‘limi bosh maslahatchisi lavozimida ishlagan.

2024 yildan hozirga qadar Oliy Majlisning Inson huquqlari bo‘yicha vakili (Ombudsman) Kotibiyatining Murojaatlar bilan ishlash bo‘limi boshlig‘i lavozimida ishlamoqda.

Mamagiyazov Otabek Raxmonberdiyevich 1985-yilda Toshkent viloyati Bo‘stonliq tumanida tug‘ilgan. 2009-yilda Toshkent davlat yuridik universitetini tamomlagan.   

2010-2018 yillarda  O‘zbekiston Respublikasi Adliya vazirligi va uning hududiy tizimlarida, 2020-2024 yillarda Oliy Majlisning Inson huquqlari bo‘yicha vakili (ombudsman) Kotibiyatining Qiynoqqa solish va boshqa shafqatsiz, g‘ayriinsoniy yoki qadr-qimmatni kamsituvchi muomala hamda jazo turlarining oldini olish bo‘limida bosh maslahatchi lavozimida faoliyat yuritgan. 

2024-yil 15-martdan hozirga qadar Oliy Majlisning Inson huquqlari bo‘yicha vakili (ombudsman) Kotibiyatining Qiynoqqa solish va boshqa shafqatsiz, g‘ayriinsoniy yoki qadr-qimmatni kamsituvchi muomala hamda jazo turlarining oldini olish bo‘limi boshlig‘i sifatida ishlab kelmoqda.

Saʼdullayev Dilmurod Safoxonovich 1983 yilda Samarqand viloyatida tug‘ilgan. 2001–2005 yillarda Toshkent davlat yuridik institutini Bakalavr, 2008–2010 yillarda Magistratura bosqichlarini, 2010-2011 yillarda esa O‘zbekiston Respublikasi Prezidenti huzuridagi Davlat va jamiyat qurilishi akademiyasini tamomlagan.

Mehnat faoliyatini 2005 yilda O‘zbekiston Respublikasi Adliya vazirligi Rahbariyat qoshidagi apparatning qabulxona kotibligidan boshlab, 2005–2014 yillarda Rahbariyat qoshidagi apparatning qabulxona kotibi, Qonun hujjatlarini turkumlash va huquqiy axborot boshqarmasi bosh maslahatchisi, bo‘lim boshlig‘i, boshqarma boshlig‘i o‘rinbosari, Samarqand viloyat adliya boshqarmasi boshlig‘ining o‘rinbosari, Adliya vazirligi boshqarma boshlig‘i lavozimlarida faoliyat yuritgan.

2015–2020 yillarda O‘zbekiston Respublikasi Oliy Majlisi Qonunchilik palatasi deputati, Korrupsiyaga qarshi kurashish va sud-huquq masalalari qo‘mitasi aʼzosi, 2020-2021 yillarda O‘zbekiston Respublikasi Prezidenti huzuridagi Davlat xizmatini rivojlantirish agentligi Samarqand viloyati filiali rahbari, agentlik departamenti mudiri sifatida ishlagan.

2022 yilda O‘zbekiston Respublikasi Oliy Majlisining Inson huquqlari bo‘yicha vakili (ombudsman) Kotibiyatining Inson huquqlarini taʼminlash bo‘yicha monitoring va huquqiy tahlil sektorining bosh maslahatchisi sifatida ishlab, shu yilning aprel oyidan Ombudsman Kotibiyatining Murojaatlar bilan ishlash bo‘limi boshlig‘i lavozimiga o‘tkazilgan.

Islamov Jasur Yakubovich 1984 yilda tug‘ilgan. 2008 yilda Jahon iqtisodiyoti va diplomatiya universitetini tamomlagan. 2008-2009 yillarda Toshkent avtomobil yo‘llari instituti rektor kotibi, 2009-2012 yillarda Oliy Majlisning Inson huquqlari bo‘yicha vakili (ombudsman) Kotibiyatining 1-toifali ish yurituvchi-kotibi, 2012-2019 yillarda Ombudsman Kotibiyatining katta referenti, 2019-2021 yillarda Kotibiyatining Murojatlar bilan ishlash sektori mudiri sifatida faoliyat yuritgan.

2021 yildan hozirga qadar Oliy Majlisning Inson huquqlari bo‘yicha vakili (Ombudsman) Kotibiyatining Xalqaro hamkorlikni rivojlantirish sektori mudiri lavozimida ishlamoqda.

Hamdamov Saloxiddin Djurabayevich 1962-yilda Samarqand shahrida tug‘ilgan. 1983-yilda Samarqand qishloq xo‘jaligi institutini tamomlagan. Iqtisod fanlari nomzodi. 1984-1985 yillarda Samarqand viloyati ijroiya qo‘mitasi qishloq xo‘jaligi boshqarmasining maktabgacha tarbiya muassasalari, umumiy ovqatlanish va sport bo‘limining sport bo‘yicha mutaxassisi, 1985-1986 yillarda Samarqand viloyati ijroiya qo‘mitasi qishloq xo‘jaligi boshqarmasi bo‘limining katta iqtisodchisi, 1986-1988 yillarda Samarqand viloyati agrar-sanoat qo‘mitasi  bo‘lim mutaxassisi, 1988-1996 yillarda Samarqand qishloq xo‘jaligi instituti agro-sanoat kompleksi iqtisodiyoti va uni boshqarish kafedrasi assistenti, 1996-1997 yillarda “Oq shalola” moliya-sanoat kompaniyasining guruh rahbari, bosh menejeri, 1997 yilda O‘zbekiston Respublikasi Oliy Majlisi huzuridagi Amaldagi qonun hujjatlari monitoringi institutida bo‘lim bosh ilmiy xodimi, 1997-1998 yillarda Makroiqtisodiyot va statistika vazirligi tarmoqlararo balans bo‘limi bosh mutaxassisi, boshliq o‘rinbosari, 1998-2002 yillarda “O‘zbekistonning iqtisodiy yo‘nalishlari” TASIS dasturi loyihasining menejeri, 2002-2005 yillarda O‘zbekiston Respublikasi Oliy Majlisi Kotibiyati Qo‘mitalar bilan ishlash bo‘limining katta referenti, 2005-2020 yillarda O‘zbekiston Respublikasi Oliy Majlisi Qonunchilik palatasi devonida turli lavozimlarda va 2020-2021 yillarda O‘zbekiston Respublikasi Oliy Majlisi Senatining Xotin-qizlar va gender tenglik masalalari qo‘mitasi kotibiyati yetakchi maslahatchisi sifatida ishlagan.

2021 yildan hozirga qadar Oliy Majlisning Inson huquqlari bo‘yicha vakili (ombudsman) Kotibiyatining Huquqiy madaniyatini oshirish va jamoatchilik bilan ishlash sektori mudiri sifatida faoliyat yuritmoqda.