Oliy Majlisning Inson huquqlari bo‘yicha vakili (ombudsman) o‘z faoliyatida aholining huquqiy xabardorligini oshirishga alohida eʼtibor qaratmoqda. Chunki, Ombudsmanga yuborilayotgan murojaatlar tahlili so‘nggi yillarda aholining ijtimoiy himoyasini mustahkamlash, yashash sharoitlarini yaxshilash borasidagi islohotlardan xabardor etish zarurligini ko‘rsatmoqda. Shuning uchun 2022 yildan eʼtiboran respublikaning chekka hududlarida mahallalar kesimida fuqarolarga yaratilgan imkoniyat va imtiyozlardan aholi xabardorligini oshirishga qaratilgan “Ombudsman maktabi” loyihasi amalga oshirilmoqda.

Joriy yilning 11 avgust kuni mamlakatimizda amalga oshirilayotgan islohotlardan fuqarolarni xabardor qilish, aholini ijtimoiy himoya qilish, kasbga tayyorlash va ish o‘rinlarini ko‘paytirish, mehnat qonunchiligi va boshqa masalalarga bag‘ishlangan “Ombudsman maktabi” loyihasi doirasidagi navbatdagi tadbir Navoiy shahrida o‘tkazildi. Oliy Majlisning Inson huquqlari bo‘yicha vakili (ombudsman)ning Navoiy viloyati mintaqaviy vakili tomonidan tashkil etilgan mazkur tadbirda  “Yangiariq”, “Hayot”, “Guliston”, “Do‘stlik”, “O‘zbekiston”, “Kimyogar”, “Meʼmorlar”, “G‘alaba” va “Vatan” mahallari faollari ishtirok etishdi.

Oliy Majlisning Inson huquqlari bo‘yicha vakili (ombudsman) Axborot xizmati