Sud jarayonlarida davlat ayblovchisi tomonidan ayblov xulosasi o‘qib eshittirilgan va sudlanuvchilar, fuqaroviy daʼvogarlar, jabrlanuvchilarning ko‘rsatmalari olingan. Hozirda guvohlar to‘g‘ridan-to‘g‘ri va videokonferensaloqa vositasida so‘roq qilinmoqda.

Shuni maʼlum qilamizki, mazkur ish bo‘yicha bo‘lib o‘tayotgan barcha sud majlislarida Qoraqalpog‘iston Respublikasida yuz bergan holat va voqealarni o‘rganish bo‘yicha komissiya aʼzolari ishtirok etishmoqda. 

Olingan maʼlumotlarga ko‘ra, jarayonlar belgilangan talablarga muvofiq olib borilmoqda.

Keyingi sud majlisi 2023 yil 20 fevral kuni bo‘lib o‘tadi.

Oliy Majlisning Inson huquqlari bo‘yicha vakili (ombudsman) Axborot xizmati