11-sonli jazoni ijro etish koloniyasi saf maydonida koloniyalar tomonidan ishlab chiqarilayotgan tayyor mahsulotlar ko‘rgazmasi tashkil qilinib, ushbu ko‘rgazmada yog‘ochga ishlov berib ishlangan hunarmandchilik mahsulotlari, maktab va maktabgacha taʼlim muassasalari uchun mebellar jamlanmasi, pishgan g‘isht, temir-beton plitalar, ohak, teri, poyabzal, to‘quvchilik, tikuvchilik va boshqa mahsulotlari taqdimoti o‘tkazildi.
Yarmarkada qatnashgan hududiy tadbirkorlar tomonidan, muassasalarda ishlab chiqarilayotgan mahsulotlarga, jumladan: teri mahsuloti, to‘quvchilik hamda qurilish mahsulotlariga katta qiziqish bildirildi va ko‘plab shartnomalar imzolandi.
Ahamiyatlisi, yuridik shaxslar jazoni ijro etish muassasalaridan mahsulotlarni tender savdolarisiz sotib olishlari mumkin.
Ushbu tadbir Oliy Majlisning Inson huquqlari bo‘yicha vakili (ombudsman)ning Navoiy viloyatidagi mintaqaviy vakilining jazoni ijro etish muassasalariga amalga oshirgan monitoringlardan kelib chiqib bergan tavsiyasiga asosan tashkil etildi.
Oliy Majlisning Inson huquqlari bo‘yicha vakili (ombudsman) Axborot xizmati
