Murojaatchining yozishicha, u “Xonabod issiqlik elektrostansiyasi” unitar korxonasida ishlab kelgan. Mazkur korxona rahbari fuqaro K.I. ni boshqa bo‘limga ishga o‘tkazishni vaʼda qilib, uning o‘rta maxsus taʼlim darajasiga qoniqmay xodim bilan tuzilgan mehnat shartnomasini asossiz ravishda bekor qilgan. Murojaatchiga bir oylik ish haqi ham to‘lab berilmagan.

Mazkur murojaat Ombudsman nazoratiga olindi. Ombudsmanning Andijon viloyatidagi mintaqaviy vakili holatni Kambag‘allikni qisqartirish va bandlik bosh boshqarmasi mehnat inspeksiyasidan ekspertlarni jalb qilgan holda o‘rgandi.

Mehnat qonunchiligining buzilgani bo‘yicha ish beruvchiga huquqiy  tushuntirish berildi. Natijada murojaatchi K.I. avvalgi lavozimiga tenglashtirilgan joyga ishga tiklandi va unga salkam 2 mln so‘m miqdordagi 1 oylik ish haqi to‘liq to‘lab berildi.

Oliy Majlisning Inson huquqlari bo‘yicha vakili (ombudsman) Axborot xizmati