O‘zaro muloqot davomida dastlab mehmonlarga mamlakatimizda inson huquqlarini taʼminlash, aholi murojaatlari bilan ishlash jarayoniga yangi mexanizmlarning tatbiq etilishi, qiynoqlarni oldini olish, ochiqlik va shaffoflikni taʼminlash, so‘z erkinligini mustahkamlash borasida amalga oshirilgan ishlar muhokama etildi.
Ombudsman institutining faoliyat yo‘nalishlari hamda so‘nggi yillarda inson huquqlarini taʼminlash yo‘lida amalga oshirilgan islohotlar haqida maʼlumot berildi.
Shuningdek, Ombudsman huzuridagi Qiynoqlarning oldini olish Milliy preventiv mexanizmi doirasida jamoatchilik guruhlari bilan harakatlanish erkinligi cheklangan yopiq muassasalarga amalga oshirilayotgan monitoring tashriflari, ularda fuqarolik jamiyati institutlari va OAVlarining ishtiroki haqida to‘xtalindi.
Uchrashuv so‘ngida o‘zaro hamkorlikni rivojlantirish bo‘yicha takliflar berildi.
Oliy Majlisining Inson huquqlari bo‘yicha vakili (Ombudsman) Axborot xizmati
